Израелските сили изведоа рација на универзитетот во Наблус и приведоа 25 студенти

НАБЛУС (АА) - Израелските сили извршија рација на Универзитетот Ан-Наџах во градот Наблус на окупираниот Западен Брег и приведоа 25 студенти, јавува Анадолу.

Според државната палестинска новинска агенција ВАФА, во раните утрински часови израелските сили извршиле рација во Универзитетот Наџах во Наблус.

Израелските сили ги привеле вработените на обезбедувањето на универзитетот и 25 студенти.

Од 7 октомври, кога Израел го започна својот напад врз Појасот Газа, дојде до пораст на бројот на рации, апсења и напади врз Палестинци на окупираниот Западен Брег и Ал Кудс (Ерусалим).

Од 7 октомври минатата година убиени се 352 Палестинци, а 5.875 се приведени во нападите на израелските сили и илегалните еврејски доселеници на окупираниот Западен Брег и Ал Кудс.