Израелските сили на Западниот Брег приведоа осум Палестинци

РАМАЛА (АА) - Израелските сили за време на рациите спроведени на Западниот Брег приведоа осум Палестинци, меѓу кои и две истакнати имиња на Хамас, јавува Агенција Анадолија (АА).

Очевидци наведуваат дека рациите биле извршени во градовите Ерихон, Витлеем, Тулкерем и Тубас.

За време на претресот во Тубас приведени се Фази Савафта и Надир Савафта.

Израелските сили користеле боева муниција, гумени куршуми и солзавец против Палестинците кои реагираа на приведувањата.

Нема информации за тоа дали има повредени во нередите.

Израелските безбедносни сили често вршат рации во палестинските домови на Западниот Брег и Источен Ал-Кудс (Ерусалим), приведувајќи Палестинци под различни изговори.

Според палестински извори, во израелските затвори има околу 4.500 Палестинци.