Индија спроведе прво тестирање на интегриран систем за противвоздушна одбрана

АНКАРА (АА) - Индија го спроведе првото тестирање на Интегрираниот систем за противвоздушна одбрана (IADWS), изјави денес нејзиниот министер за одбрана, Раџнат Сингх, пренесува Анадолу.

Организацијата за истражување и развој на одбраната ги спроведе првите тестирања во текот на вчерашниот ден недалеку од брегот на Одиша во источна Индија, истакна Сингх во објава на американската компанија за социјални медиуми X.

Тој нагласи дека IADWS е повеќеслоен систем за противвоздушна одбрана кој се состои од сите домашно развиени ракети земја-воздух за брза реакција, напредни ракети од многу краток дострел за системот за противвоздушна одбрана и оружје со насочена енергија базирано на ласер со голема моќност.

Сингх истакна дека со тестирањето се „воспоставени повеќеслојни капацитети на противвоздушната одбрана на нашата земја“ со што ќе „се зајакне одбраната на важни објекти од непријателски воздушни закани“.