Иран го потресе земјотрес со јачина од 4,9 степени по Рихтер

АНКАРА (АА) - Утринава иранскиот град Равар го потресе земјотрес со јачина од 4,9 степени по Рихтер, јавува Anadolu Agency (AA).

Равар се наоѓа во подрачјето на Керман, а според податоците на Сеизмолошкиот центар на геофизичкиот институт во Техеран, земјотресот е забележен во северниот дел на овој град.

Се истакнува дека земјотресот го потресол Иран во 10:54 часот по локално време, и бил на длабочина од 22 километри.

Низа земјотреси со магнитуда од најмалку пет степени по Рихтер во јануари го потресоа иранско-ирачкиот пограничен регион.

Според податоците на ОН, повеќе од 530 лица загинаа, а околу 8.000 се повредени во силниот земјотрес со магнитуда од 7,3 степени, што го погоди Иран во ноември минатата година.