Иран собори израелски дрон во Хорамбад, Иран

АНКАРА (АА) - Израелско беспилотно летало е соборено во близина на градот Хорамбад во западен Иран, известува Анадолу.

Во веста објавена во иранскиот печат се наведува дека собореното беспилотно летало било од типот „Хермес 900“ кое ѝ припаѓало на израелската армија.

Предметното беспилотно летало е соборено рано утрово во близина на градот Хорамабад во западен Иран.

Израелската армија во писмено соопштение потврди дека беспилотно летало е соборено во Иран.

Во соопштението не се дадени информации за видот на собореното беспилотно летало и каде е соборено, но се тврди дека „нема ризик од истекување на информации“.

И минатата недела Иран собори израелско беспилотно летало по покраината Исфахан.

- Конфликт што започна со интензивни напади на Израел врз Иран

На 13 јуни, Израел започна големи напади насочени врз нуклеарните постројки во различни градови во Иран, вклучувајќи го и командниот врв на армијата.

Во нападот врз Иран беа убиени началникот на Генералштабот, генералниот командант на Револуционерната гарда, некои високи команданти и 9 нуклеарни научници.

Во соопштението објавено на 21 јуни, иранското Министерство за здравство објави дека вкупниот број цивилни жртви во нападите на Израел изнесува 430, а бројот на повредени е над 3.500.

Канцеларијата на израелскиот премиер објави дека 24 лица се убиени, а 1.272 лица се повредени во возвратните напади на иранската армија.

Голeм број земји, првенствено Турција, го осудија Израел.