Кина ја повика Финска да го следи принципот на неделивост на безбедноста

ПЕКИНГ (АА) - Кина денес ги повика земјите што сакаат да се приклучат на Северноатлантскиот сојуз (НАТО) да го следат „принципот на неделивост на безбедноста“, јавива Агенција Анадолија (АА).

„Кина се надева дека сите страни ќе го следат принципот на неделивост на безбедноста и ќе изградат одржлива регионална безбедносна архитектура“, рече Џао Лиџјијан, портпаролот на Министерството за надворешни работи на Кина.

Принципот на неделивост на безбедноста подразбира дека нема зајакнување на сопствената безбедност на сметка на друг.

Kинескиот весник „Глобал тајмс“ објави дека барањето на Финска за влез во НАТО „ќе донесе нов фактор во билатералната врска со Кина“.

Во минатото Пекинг беше против идејата за проширување на НАТО.

Администрацијата на владејачката Социјалдемократска партија во Финска одлучи во саботата да поднесе барање за членство во НАТО.

Турскиот министер за надворешни работи, Мевлут Чавушоглу, изрази резерва во поглед на можното членство на Финска и Шведска во НАТО велејќи дека скандинавските земји ја поддржуваат терористичката организација ЈПГ/ПКК.