Командоси на иранската морнарица запленија израелски брод во Ормускиот Теснец

ИСТАНБУЛ (АА) - Командоси на иранската морнарица денес запленија брод на израелски милијардер кој превезувал контејнери, пренесув Анадолу.

Според израелскиот Канал 14 и „Тајмс оф Израел“, бродот запленет во Ормускиот Теснец е МСЦ Ариес, кој носи португалско знаме и припаѓа на бродската компанија Зодијак Маритим во сопственост на израелскиот милијардер Ејал Офер.

Од друга страна, од Поморски трговски операции на Велика Британија (UKMTO) соопштија дека во областа е запленет брод, без да наведат детали.

„Бродот е пријавен дека е запленет од регионалните власти“, соопшти УКМТО, предупредувајќи дека: „На бродовите им се советува да транзитираат со претпазливост и да ја пријават секоја сомнителна активност до УКМТО“.