Крокодил нападна и повреди чувар на Зоолошката градина во Ерусалим

АЛ-КУДС/ЕРУСАЛИМ (АА) - Крокодил денес нападна чувар на Зоолошката градина во Ал Кудс (Ерусалим), јавува Анадолу.

Чуварот е хоспитализиран со тешки повреди на горниот дел од телото, соопштија официјални претставници.

Израелската полиција соопшти дека чувар на зоолошката градина веројатно му го спасил животот истрелувајќи зашеметувачки куршуми кон крокодилот. Не е соопштено дали животното е повредено.

Од болницата „Ајн Керем“ известија дека 45-годишниот маж веднаш бил префрлен на операција.

Зоолошката градина првпат е отворена во 1939 година во центарот на градот како Зоолошка градина за домашни миленици, а префрлена е во јужниот дел на Ал-Кудс во 1992 година. Денес има десетици видови животини од целиот свет и аквариум.