Либија: Турските вооружени сили ги уништуваат неексплодираните мини поставени од пучистот Хафтар

АНКАРА (АА) – Во Либија, екипите на Турските вооружени сили (ТСК) ги уништуваат мините, рачно изработените експлозиви и неексплодираната муниција поставена од страна на пучистот Хафтар, пренесува Агенција Анадолија (АА).

Министерството за национална одбрана на Турција издаде соопштение во врска со уништувањето на мините и експлозивните материјали поставени од страна на пучистот Хафтар, кои претставуваат опасност за цивилите во Либија.

„Во рамките на Договорот за воена обука, соработка и консултантски услуги, екипите на Турските вооружени сили (ТСК), во регионите Таџура, Окба, Хомс и Мисрата ги уништуваат мините, рачно изработените експлозиви и неексплодираната муниција поставена од страна на пучистот Хафтар, кои претставуваат опасност за цивилите во Либија.“