Лидерите на Јапонија и Јужна Кореја се сретнаа по 2,5 години

ТОКИО (АА) - Лидерите на Јапонија и Јужна Кореја имаа кратка средба по 2,5 години и разговараа за обновување на билатералните односи, пренесува Агенција Анадолија (АА).

Јапонскиот премиер Фумио Кишида и јужнокорејскиот претседател Јон Сук-Јеол се состанаа на маргините на 32. Самит на НАТО во Мадрид, каде што присуствуваа во својство на поканети земји.

Средбата лице в лице, која траеше само 3-4 минути, се одржа на вечерата дадена на лидерите во Кралската палата, чиј домаќин беше шпанскиот крал Фелипе VI.

Според агенцијата „Кјодо“, јапонскиот премиер од Јон побарал да работи на „давање здрав статус“ на односите меѓу двете земји, кои „прилично сериозно“ напредуваат во последните години.

Според Кабинетот на јужнокорејскиот претседател, Јон му рекол на Кишида дека ќе вложи напори за решавање на билатералните прашања по изборите за Советодавното собрание во Јапонија во јули.

Лидерите на Јапонија и Јужна Кореја, крајбрежните соседи на Јапонското Море (Источно Море) во Азиско-пацифичкиот Регион, последен пат се сретнаа во декември 2019 година.

Прашањата за „Корејците кои се принудени да работат“ и „експлоатираните Корејки“ од периодот 1910 - 1945 година, кога Јапонија го колонизира Корејскиот Полуостров, се познати како „чувствителни прашања“ меѓу Токио и Сеул.