На брегот на Италија годинава стигнаа 20.000 мигранти

РИМ (АА) - Бројот на нерегуларни мигранти што од почетокот на годинава пристигнале во Италија по морски пат надмина 20.000, соопшти Министерството за внатрешни работи на таа земја, јавува Анадолу.

Италијанското Министерство соопшти дека 20.017 нерегуларни мигранти влегле во земјата преку Медитеранот во периодот меѓу 1 јануари и 13 март, во споредба со 6.152 во исто време минатата година.

Само во периодот од 9 до 11 март преку медитеранските миграциски рути нерегуларно пристигнале 4.566 лица.

Министерот за одбрана Гидо Кросето истакна дека зголемувањето на бројот на нерегуларни мигранти кои доаѓаат од Африка е делумно последица на руската стратегија за „хибридно војување“, што се применува преку руската безбедносна компанија „Вагнер“ во африканските земји кои ја поддржуваат Украина.

Поради порастот на пристигнувањето на мигранти, италијанската премиерка Џорџа Мелони, вицепремиерот и министер за надворешни работи Антонио Тајани и вицепремиерот и министер за транспорт и инфраструктура Матео Салвини одржаа онлајн сесија со министерот за внатрешни работи Матео Пјантедоси и министерката за одбрана Крозета, за да ја проценат ситуацијата.

Според весникот „Ла Република“, на средбата се разговарало за употреба на соодветни технолошки алатки на италијанската морнарица за откривање чамци кои превезуваат нерегуларни мигранти во зони надвор од територијалните води и за подобрување на координацијата на надзорот на морето.