Над 50 отсто од станбените единици во Газа се оштетени од израелските бомбардирања

ИСТАНБУЛ (АА) - Како резултат на израелските бомбардирања на Газа е предизвикана штета на повеќе од 50 отсто од станбените единици во Појасот Газа, соопштија локалните власти, пренесува Анадолу.

Канцеларијата за медиуми на Владата со седиште во Газа соопшти дека околу 40.000 станбените единици во Појасот Газа, кој е под блокада, биле целосно уништени од израелската армија.

Исто така, се вели дека околу 32.000 тони експлозив биле фрлени врз Газа од почетокот на израелскиот напад врз Газа на 7 октомври.

Проценетите прелиминарни загуби се проценуваат на 2 милијарди долари во станбениот сектор и 2 милијарди долари во инфраструктурата, соопшти владината Канцеларија за медиуми.

Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас на 7 октомври.

Над 10.500 Палестинци, вклучително 4.324 деца и 2.823 жени, се убиени во израелските бомбардирања. Според официјалните бројки, во Израел се загинати речиси 1.600 лица.