Националната партија на Нов Зеланд прва во конечните изборни резултати

АНКАРА (АА) - Изборната комисија на Нов Зеланд денес ги објави конечните резултати од изборите во земјата што се одржаа на 14 октомври, при што централнодесничарската Национална партија е во водство со 48 места од вкупно 122, пренесува Анадолу.

Во соопштението на Комисијата се вели дека поранешната владејачка Лабуристичка партија обезбедила 34 места, Зелената партија 15 места, АКТ Нов Зеланд 11 и Првата партија на Нов Зеланд осум места.

Пати Маори, исто така, обезбеди шест места.

Според резултатите, ниту една политичка партија не обезбеди просто мнозинство од 63 места за формирање влада, но Националната партија е во позиција да формира коалициска влада со другите партии.

Лидерот на Националната партија, Кристофер Луксон, ги поздрави резултатите, велејќи дека Новозеланѓаните гласале за промени.

„Разговорите и со лидерот на АКТ, Дејвид Сејмур, и со лидерот на Првата партија на Нов Зеланд, Винстон Питерс, беа конструктивни и ќе продолжат со работа за финализирање на владата“, објави Луксон на платформата Х.

„Ви благодариме за довербата што ни ја укажавте мене и на Националната партија. Може да бидете уверени дека Владата предводена од Националната партија ќе биде силна, стабилна и обединета во заедничките интереси на народот на Нов Зеланд“, додаде тој.