Најмалку 765 лица се убиени од пучот во Мјанмар

ИСТАНБУЛ

Безбедносните сили во Мјанмар убија уште шест лица, со што бројот на смртни случаи откако започнаа протестите на 1 февруари се зголеми на 765 лица, јавува Агенција Анадолија (АА).

„Пет лица беа убиени во неделата и едно во саботата, но беа документирани во неделата“, се вели во последниот извештај на Здружението за помош на политичките затвореници (AAPP).

„Ова е број проверен од AAPP. Вистинскиот број на жртви веројатно е многу поголем“, велат од групата.

Во притвор се 3.555 лица, а 82 од нив се осудени, додека за 1.396 лица се издадени потерници.

Сузбивањето на нацијата во Југоисточна Азија започна веднаш по 1 февруари, кога демократски избраниот државен советник и де факто лидерка на Владата, Аунг Сан Су Чи, беше симната од власт со државен удар и приведена од воената хунта.

Партијата на Националната лига за демократија (NLD) на Су Чи го освои вториот мандат во ноември, но Војската соопшти дека местењето на изборите ја принудило да ја преземе власта.

Продемократските протести се одржуваат во градовите низ целата земја од преземањето на власта од страна на Војската.

ОН и групите за права изразија загриженост поради употребата на непропорционална сила од страна на воената хунта врз невооружените демонстранти.