Невреме во Швајцарија: Загина едно лице, неколкумина повредени

ЦИРИХ (АА) - Најмалку едно лице загина, а неколкумина се повредени од силната бура што ја зафати Западна Швајцарија, известува Анадолу.

Силен дожд придружен со ветер, кој достигнуваше брзина и до 217 километри на час, го зафати градот Шо де Фон во регионот Нешател, кој се граничи со Франција.

Предизвикана е голема материјална штета, а однесени се и покриви од куќите. Оштетени се и возила.

Швајцарската сојузна Канцеларија за метеорологија и климатологија објави дека се обидуваат да утврдат дали станува збор за торнадо.

Силните ветрови корнеле дрвја, блокирајќи ги железничките пруги и предизвикувајќи прекин на железничкиот сообраќај во некои подрачја.