Servet Günerigök
08 Јули 2022•Ажурирај: 09 Јули 2022
ВАШИНГТОН (АА) - Резолуцијата со која се дозволуваaт операциите за хуманитарна помош од Турција во Сирија е изложена на ризик да биде прекината откако не беше постигнат договор од вчерашните разговори во Советот за безбедност на ОН.
Иако за утринава е закажан состанок на Советот за безбедност, останува нејасно дали ќе се гласа или не.
Одобрението за прекугранична помош истекува в недела. Тоа овозможува испорака на хуманитарна помош од граничниот премин „Џилвегозу“ во јужна Турција во северозападна Сирија преку граничниот премин „Баб ал Хава“.
Советот вчера преговараше за два ривалски нацрт-закони. Едниот беше изготвен од Норвешка и Ирска, која сака граничните премини да останат отворени 12 месеци, а другиот од Русија, која бара продолжување за шест месеци, а потоа нова резолуција за уште шест месеци.
Според ОН, повеќе од 2,4 милиони Сиријци имаат корист од хуманитарната помош испорачана преку „Баб ал Хава“ секој месец.
Минатата година, повеќе од 9.500 камиони со прехранбена помош, лекови и стоки за задоволување на итните потреби преминаа во Сирија преку „Баб ал Хава“.
Амбасадорката на САД во ОН, Линда Томас-Гринфилд, рече дека се надева дека денеска ќе се гласа за продолжување на резолуцијата за помош за уште една година.
„Шест месеци завршуваат во јануари, во средината на зимата, најлошото можно време“, рече Томас-Гринфилд, според „Асошиејтед прес“ (Associated Press).
ОН им помагаат на милиони Сиријци преку повеќе гранични премини од 2014 година, но од 2020 година, Советот ги намали дозволените гранични премини на еден, оставајќи го „Баб ал Хава“ како единствена опција.
