Нетанјаху: „Со разорувачки напад ќе одговориме на евентуален напад на Хезболах“

ЕРУСАЛИМ (АА) - Израелскиот премиер Бенјамин Нетанјаху денеска предупреди дека ќе започне разорувачки напад врз Либан како одговор на каква било воена акција од либанската група Хезболах, пренесува Anadolu Agency (AA).

Во интервју за телевизијата „Ал-Манар“ на Хезболах, водачот на групата, Хасан Насрула, рече дека израелските клучни места се наоѓаат во домет на ракетите на Хезболах.

„Во текот на викендот ги слушнавме арогантните зборови на Насрула за неговите планови за напад“, рече Нетанјаху на почетокот на неделниот состанок на Владата.

„Да бидам јасен, ако Хезболах се осмели да изврши чин на глупост и да го нападне Израел - ние ќе започнеме разорувачки напад на Либан.“

„Доволно е да се каже дека со години Насрула копа терористички тунели, кои ги уништивме за неколку дена“, рече Нетанјаху, во врска со уништувањето на, како што тврди Израел, тунели ископани од Хезболах долж израелско-либанската граница.

Насрула говореше на 13. годишнина од израелската војна против Хезболах во 2006 година, во која загинаа најмалку 1.200 лица, претежно либански цивили.