ОАЕ започна воена вежба со учество на 10 земји

АБУ ДАБИ (ОАЕ) - Обединетите Арапски Емирати (ОАЕ) денес соопштија дека започнале тринеделна заедничка воена вежба наречена „Пустинско знаме 9“, со учество на 10 земји, јавува Анадолу.

„Воздухопловните сили од братските и пријателски нации пристигнаа на територијата на ОАЕ за да ја започнат мултинационалната заедничка вежба 'Пустинско знаме 9' за 2024 година“, се вели во соопштението на Министерството за одбрана на ОАЕ.

Меѓу земјите учеснички се Туркије, Саудиска Арабија, Оман, Кувајт, САД, Јужна Кореја, Франција, Велика Британија и Германија.

Воената вежба, како што соопшти Министерството, има за цел да ја подобри борбената ефикасност и подготвеност, како и да ја олесни размената на воена експертиза преку различни сценарија во текот на три недели.

Министерството сподели снимка на социјалната мрежа Х на која се гледа почетокот на вежбата, со воздушни летови и предавања за воениот персонал.