По нападот на пиратите, бродот со турски екипаж пристигна на пристаниште во Габон

АНКАРА

Бродот кој синоќа беше нападнат од страна на пирати на Гвинејскиот Залив, пристигна на пристаниште во Габон, пренесува Агенција Анадолија (АА).

Информацијата преку соопштение на Твитер ја потврди Адил Караисмаилоглу, министер за транспорт и инфраструктура на Турција.

Караисмаилоглу потсети дека товарниот брод „Моцарт“ со знаме на Либерија беше нападнат на Гвинејскиот Залив од страна на пиратите.

„Бродот во 11:00 часот пристигна на пристаништето Гентил во Габон“, напиша тој.

Турскиот министер изрази сочувство поради смртта на морнарот со потекло од Азербејџан кој загина при нападот.

„Мобилизирани се сите можности со цел 15 наши морнари здрави да се враќаат во Турција“, додаде Караисмаилоглу.