Пожар во терминал за течен природен гас во Кина: 5 загинати

АНКАРА

Во јужниот дел на Кина избувна пожар во терминал за течен природен гас (ТПГ). Во оваа несреќа животот го загубија пет лица, а три лица се повредени, пренесува Агенција Анадолија (АА).

Агенцијата Синхуа врз основа на информациите добиени од официјалните лица на Автономната област Гуангси објави вест во која се вели дека вчера напладне избувнал пожар на терминалот за ТПГ на пристаништето Тешан.

Во пожарот животот го загубија пет лица, три лица се повредени, а едно лице се води за исчезнато.

Пожарот е ставен под контрола по интервенцијата на противпожарните екипи. Започната е истрага за откривање на причината на несреќата.