Полска би можела да ги затвори руските дипломатски објекти

ВАРШАВА (АА) - Полска би можела да ги затвори руските дипломатски објекти како одговор на затворањето на Конзулатот на таа земја во Русија минатата недела, објави вчера Марчин Пжидач, помошник на полскиот претседател, јавува Анадолу.

Минатата недела Русија го затвори полскиот Конзулат во градот Смоленск поради „непријателски, антируски акции“.

„Принципот на реципроцитет е златно правило во меѓународните односи. Полска ја задржува можноста да преземе слични чекори“, рече Пжидач во интервјуто за Радио РМФ.

Пжидач рече дека во моментов не се планира отповикување на полскиот амбасадор во Москва.