Sinan Doğan
01 Јуни 2021•Ажурирај: 03 Јуни 2021
БОГОТА
Претседателот на Венецуела, Николас Мадуро, ја критикуваше меѓународната заедница во врска со загинатите лица на антивладините протести во Колумбија, што започнаа на 28 април, пренесува Агенција Анадолија (АА).
Мадуро во изјавата за државната телевизија, тврдејќи дека колумбискиот народ бил масакриран на демонстрациите, нагласи: „Колумбискиот народ е сирак, 13 млади луѓе убиени се со куршуми, повеќе од 200 лица исчезнаа, а некои тела се пронајдени застрелани на бреговите на реките.“
Мадуро од меѓународната заедница побара да го почитува правото на колумбискиот народ на живот, мир и демократија.
Критикувајќи го колумбискиот претседател Иван Дуке, претседателот Мадуро рече дека безбедносните сили употребиле насилство врз демонстрантите.
Мадуро, наведувајќи дека изјавите на високата комесарка за човекови права на ОН, Мишел Бачелет, за демонстрантите што ги загубиле животите се недоволни, Мадуро рече: „Не кажа ништо за болката и страдањата предизвикани од оваа трагедија.“
Според податоците на независните невладини организации во земјата, 54 демонстранти загинаа, а бројот на повредени надмина 1.500 во демонстрациите против даночната реформа што започнаа со национален штрајк пред 33 дена.
