Ruslan Rehimov,Emre Gürkan Abay
28 Септември 2020•Ажурирај: 29 Септември 2020
БАКУ
Азербејџанската Армија започна контранапад, веднаш откако Ерменија вчера го прекрши примирјето и ги нападна азербејџанските позиции и цивилните населби, пренесува Агенција Анадолија (АА).
Според информациите добиени од безбедносни извори, веднаш откако Ерменија го прекршила примирјето и со минофрлачки и артилериски системи од различни размери ги нападна азербејџанските позиции и цивилните населби, Армијата на Азербејџан започнала со противнапад.
Во операцијата во која вооружените беспилотни летала, што им припаѓаат на Азербејџанските вооружени сили, се користеа активно, погодени се 400 цели на ерменските сили.
Според истите извори, покрај воздушните елементи во операцијата се користело и ракетно и артилериско оружје.
Вооружените сили на Азербејџан најпрвин ги ослободија селата Нузѓар, Големо Мерџанли, Караханбејли, Гервенд, Ќој Гередиз и Горно Абдурахманли, а потоа под контрола ги ставија областите Текекаја и Агдаг.
Азербејџанските вооружени сили, исто така, под контрола го ставија источниот дел на планината Муров, а потоа и западниот дел.
Вооружените сили уништија и 10 системи за противвоздушна одбрана на ерменската Армија во регионот Нагорно Карабах и околу 20 оклопни возила, вклучително и тенкови.
