Русија: САД може да влијаат на Киев да започне мировни преговори со Москва

МОСКВА (АА) - Портпаролката на руското Министерство за надворешни работи, Марија Захарова, изјави дека Соединетите Американски Држави (САД) може да влијаат на Украина да започне мировни преговори со Русија, пренесува Агенција Анадолија (АА).

„Она што недостига е желбата на Вашингтон, аспирацијата да го охрабри режимот во Киев да направи нешто конструктивно; целта е поинаква, целта е деструктивна“, рече Захарова во интервју за радио „Спутник“.

Според неа, на Украина ѝ е забрането да води мировни преговори со Русија.

Украинскиот претседател Владимир Зеленски вчера истакна дека „почитувањето на Повелбата на ОН и компензацијата за загубите“ се условите за почеток на мировните преговори со Русија.

Руските официјални претставници - претседателот Владимир Путин, министерот за надворешни работи, Сергеј Лавров и неговите заменици продолжуваат да ја манифестираат својата отвореност за преговори со Киев без предуслови.