Русија тврди дека презела контрола над уште две населени места во Источна Украина

ИСТАНБУЛ (АА) - Русија денес тврди дека презела контрола над уште две населени места поради нејзината тековна офанзива во Источна Украина, јавува Анадолу.

Руските сили го зазедоа селото Романивка, околу 10 километри јужно од градот Курахове, клучно упориште на украинските сили во регионот Доњецк, во кое се наоѓа термоелектрана, се вели во соопштението на Министерството за одбрана.

Понатаму се тврди дека руските сили презеле контрола и над населбата Новодаривка, која се наоѓа на околу 110 километри источно од градот Запорожје.

Независната проверка на тврдењата на Москва е тешка поради тековната војна.