Русија: Украинска диверзантска група влезе на руска територија

МОСКВА (АА) - Вјачеслав Гладков, гувернер на областа Белгород во Русија, изјави дека диверзантска група на украинската војска влегла во границите на Русија, а руските безбедносни сили презеле мерки за нејзина неутрализација, пренесува Анадолу.

Гладков на својот профил на социјалните мрежи наведе дека диверзантско-извидувачка група на украинските вооружени сили влегла на територијата на Грајворон, на границата со Украина.

„Руските вооружени сили, руската Федерална служба за безбедност, рускиот гардиски корпус и граничарите ги преземаат потребните мерки за неутрализирање на групата“, рече Гладков.

Напоменувајќи дека ова подрачје од вчера го напаѓаат и со беспилотни летала и минофрлачи од Украина, Гладков рече дека е направена штета во населените места.

Гладков, исто така, изјави дека во нападите во селото Глотово се повредени две лица.