Руски новинар им подлегна на повредите од украински напад со дрон

МОСКВА (АА) - Руски новинар им подлегна на повредите од украинскиот напад со беспилотно летало, соопштија денес руските власти, пренесува Анадолу.

Лекарите не можеле да му го спасат животот на камерманот на телевизијата НТВ Валери Кожин, кој беше тешко повреден во селото Хорливка во Доњецката Област, соопштија локалните власти за руските медиуми.

Кожин, заедно со дописникот на НТВ, Алексеј Ивлиев, и офицер на руската армија чие име не беше кажано од безбедносни причини, синоќа беа под украински напад со дрон.

Сите тројца се хоспитализирани и оперирани. Ивлиев ја загуби едната рака, а судбината на офицерот останува непозната.

Портпаролката на руското Министерство за надворешни работи, Марија Захарова, остро го осуди нападот, обвинувајќи ја Украина дека „намерно гаѓа новинари“.

Захарова ги повика релевантните меѓународни организации да ги осудат потезите на Украина.