Руски ракетен напад на Харков: Пожар во станбени објекти

ХАРКОВ (АА) - Руските сили извршија ракетен напад на областа Харков, уништувајќи цивилни објекти, известува Анадолу.

„Снимките од Новобаварскиот Округ во Харков покажуваат разорувања и обиди за гаснење на пожарот што избувна во станбениот објект“, соопшти градоначалникот Игор Терехов.

На самото место помош укажаа спасувачите и екипите на итната помош.

„Според првичните информации, нападот е изведен со ракетите С-300“, информираше Олег Синегубов, шеф на регионалната администрација.

Терехов исто така соопшти дека се погодени цивилни објекти и во окрузите Слобидски и Основијанск. Во експлозиите се оштетени најмалку три автомобили и четири куќи.

Тој наведе дека во нападите нема загинати или ранети.

Војната меѓу Русија и Украина трае веќе 14 месеци, а интензивните судири продолжуваат на линијата на фронтот во украинските региони Доњецк, Луганск, Харков, Херсон и Запорожје.