Saadet Firdevs Aparı
29 Јануари 2022•Ажурирај: 30 Јануари 2022
БОСТОН
Повеќе од 3.000 летови се откажани на некои од најпрометните аеродроми во САД поради обилните врнежи од снег во источниот дел на северниот американски континент, известува Агенција Анадолија (АА).
Предупредувањето за снежните врнежи издадено е во десет американски држави, вклучувајќи ги Мејн, Њу Хемпшир, Масачусетс, Род Ајленд, Њујорк, Њу Џерси, Делавер, Мериленд и Вирџинија.
Повеќе од 3.000 летови се откажани на аеродромите во овие сојузни држави поради обилните врнежи од снег.
Железничката компанија „Амтрак“ ги прекина или го ограничи давањето услуги на релацијата Бостон - Вашингтон.
Властите ги предупредија граѓаните да се оддалечат од патиштата.
Род Ајленд издаде предупредување за невремето и ги забрани сите неесенцијални патувања на копно.
Масачусетс забрани сообраќање тешки камиони на меѓународните автопатишта.
Стотици возачи заглавија на Автопатот 95 во Вирџинија поради снежната бура.
