Сирија: Во воздушна операција на руските сили убиени 200 милитанти на ДЕАШ

МОСКВА (АА) - Русија спроведе воздушна операција во Сирија во којашто неутрализираше 200 милитанти на терористичката организација ДЕАШ, јавува Anadolu Agency (AA).

Министерството за одбрана на Русија соопшти дека во Сирија е извршен воздушен напад врз конвој на ДЕАШ кој се движел кон Деир eз-Зор.

Во соопштението се наведува дека во операцијата се убиени 200 милитанти на ДЕАШ, а уништени се и 20 воени возила, неколку тенка, неколку оклопни возила, камиони со муниција кои биле во составот на конвојот.

Министерството за одбрана на Русија наведува дека терористичката организација ДЕАШ, која ја губи моќта во Рака и во Западен Хомс, во текот на август се фокусира на структурирање во сирискиот град Деир eз-Зор. Во соопштението се истакнува дека од стратешко значење е поразот на терористичката организација во Деир eз-Зор.