Сите летови во САД привремено приземјени поради системски дефект

АНКАРА (АА) - Летовите во Соединетите Американски Држави (САД) се привремено приземјени откако Федералната управа за авијација (FAA) пријави прекин на работата на нејзиниот компјутерски систем, пренесува Агенција Анадолија (АА).

„Погодени се операциите на Националниот систем за воздушниот простор“, објави Управата на Твитер, истакнувајќи дека работи на враќање на својот систем.

„Ги вршиме финалните проверки за валидација и повторно го вчитуваме системот“, се додава во соопштението

Федералната управа за авијација го обезбедува воздушниот сообраќај на над 45.000 лета дневно, со 2,9 милиони патници.

Системот е воздухопловна мрежа која вклучува капацитети за воздушна навигација, аеродроми, места за слетување.

„Управата, исто така, им наложи на авиокомпаниите да ги запрат сите домашни летови до 9:00 часот по источно време за да ѝ овозможат на агенцијата да го валидира интегритетот на информациите за летовите и безбедноста“, се вели во посебната објава на Твитер.