Сопственикот на ТикТок стана најбогат човек во Кина

ИСТАНБУЛ (АА) - Основачот на БајтДенс и сопственик на ТикТок, Жанг Јиминг, стана најбогат човек во Кина, покажуваат последните податоци, јавува Анадолу.

Според Индексот на милијардери „Блумберг“, Јиминг е на 24. место меѓу најбогатите луѓе во светот.

И Листата на милијардери „Форбс“ и кинеската Листа на богатство „Хурун“ потврдуваат дека тој е најбогат кинески бизнисмен.

Според „Блумберг“, неговото богатство се проценува на 57,5 милијарди долари, а „Форбс“ го проценува на 65,5 милијарди долари.

Жанг Јиминг, кој има 42 години, ја основа компанијата БајтДенс во 2012 година.

Денес вредноста на компанијата од јануари оваа година надминува 400 милијарди долари.

БајтДенс, покрај ТикТок, е сопственик и на популарните мобилни апликации, како КепКат, Сигуа Видео и Дујин.