Спасени сите 144 патници и членови на екипажот откако траект се запали во Индонезија

Сите 144 патници и членови на екипажот се спасени откако избувна пожар на траект во водите во близина на островот Ломбок, во индонезиската област Западна Нуса Тенгара, објавија локалните медиуми, пренесува Анадолу.

Траектот пловел од пристаништето Падангбаи на туристичкиот остров Бали кон пристаништето Лембар на Ломбок кога избувнал пожарот, објави локалниот весник на англиски јазик „Џакарта глоуб“.

Според властите, нема пријавени жртви, а причината за пожарот сè уште не е утврдена.

Ова е втор пожар на траект во Индонезија пријавен во изминатите две недели.