Триполи: Станбени згради цел на беспилотни летала, повредени цивили

ТРИПОЛИ (АА) - Повеќе цивили се сериозно повредени откако беспилотни летала на Обединетите Арапски Емирати (UAE) извршија воздушен напад во главниот либиски град Триполи, пренесува Anadolu Agency (AA).

Во соопштението издадено од Владата на национално единство, поддржана од ОН, се вели дека нападот се случил во областа Ал Хадаба.

Не се дадени информации за тоа колкав број на луѓе се повредени во нападот.

Владата на национално единство ги обвинува Обединетите Арапски Емирати за поддршка на силите на Хафтар, што Абу Даби претходно во неколку наврати го негираше.

Од почетокот на април, силите лојални на Хафтар започнаа кампања за заземање на главниот град Триполи од силите на Владата на национално единство, поддржана од ОН.

Според Светската здравствена организација (WHO), во судирите меѓу двете страни досега загинале над 1.000 лица, а околу 5.500 се повредени.

Во Либија од 2011 година владеат немири, кога во востанието поддржано од НАТО беше соборен и убиен долгогодишниот либиски лидер Муамер Гадафи, по неговото четиридецениско владеење.