Тројца Палестинци се убиени во израелски напад врз училиште во Газа

Најмалку тројца Палестинци се убиени, а 25 се ранети денес во израелски воздушен напад врз училиште во кое се сместени илјадници раселени лица во областа Џабалија, во северна Газа, известува Анадолу.

Според податоците на Службата за цивилна заштита, меѓу загинатите има дете и жена.

Израелската војска ја продолжи геноцидната војна во Газа во која се убиени повеќе од 46.000 луѓе, главно жени и деца, од 7 октомври 2023 година, и покрај резолуцијата на Советот за безбедност на ОН со која се повикува на итен прекин на огнот.

Во ноември 2024 година, Меѓународниот кривичен суд издаде налози за приведување на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата поради војната во енклавата.