Украинскиот министер Кулеба: Треба да се зголемува притисокот врз Русија сè до прекинување на војната

КИЕВ (АА) - Министерот за надворешни работи на Украина, Дмитро Кулеба, соопшти дека во рамки на телефонскиот разговор со британската министерка за надворешни работи, Лиз Трас, разговарале за наметнување повеќе санкции против Русија, пренесува Агенција Анадолија (АА).

Кулеба во објава на својот твитер-профил нагласи дека остварил телефонски разговор со неговата британска колешка, Трас.

Шефот на украинската дипломатија рече дека во телефонскиот разговор се осврнале на тоа врз Русија да се воведат уште повеќе санкции.

„Со Лиз Трас разговаравме за следните чекори кон тоа да се наметнат уште повеќе санкции против Русија“, напиша Кулеба.

„Треба да се зголемува притисокот врз Русија сè до прекинување на бесмислената агресија и варварските воени злосторства“, истакнува тој.

Од друга страна, соопштено е дека украинскиот претседател Владимир Зеленски остварил телефонски разговор со претседателот на Европскиот совет, Шарлс Мишел, со кој разговарале за процесот за интеграција на Украина во Европската Унија (ЕУ).