УНРВА: Над 76 отсто од училиштата во Газа им е потребна обнова

ИСТАНБУЛ (АА) - Агенцијата на Обединетите нации за помош и работа со палестинските бегалци (УНРВА) соопшти дека на повеќе од 76 отсто од училиштата во Појасот Газа им е потребна обнова и реновирање бидејќи се уништени од континуираните израелски напади од 7 октомври минатата година, јавува Анадолу.

„На повеќе од 76 отсто од училиштата во Газа им е потребна обнова и реновирање за да бидат повторно функционални“, соопшти УНРВА.

И покрај катастрофалната хуманитарна ситуација и континуираните напади, УНРВА продолжува да обезбедува помош и грижа за палестинските деца и во однос на образованието.

„Образованието е човеково право“, порачаа од УНРВА.

Во соопштението се наведува дека Израел води разорна војна против Газа речиси девет месеци и се бара итен прекин на огнот.

Во нападите што Израел ги врши врз Појасот Газа од 7 октомври загинати се најмалку 37.431 Палестинец, меѓу кои најмалку 15.694 деца и 10.279 жени, а 85.653 лица се повредени.