Француски државјанин доби смртна казна во Индонезија

ЏАКАРТА (АА) - Француски државјанин доби смртна казна во Индонезија поради шверцување наркотици, пренесува Anadolu Agency (AA).

Според веста на весникот „Џакарта пост“, на 35-годишниот француски државјанин, Феликс Дорфин, кој во септември минатата година беше фатен со околу 3 килограми наркотици на аеродромот на индонезискиот остров Ломбок, сега му е изречена смртна казна.

Во куферот на Дорфин биле пронајдени наркотици. Тој е обвинет за шверцување наркотици.

Од друга страна, Дорфин во јануари избега од центарот за притвор, а беше фатен по околу две недели.

Владата на Индонезија применува цврсти мерки во борбата против наркотици.

Доколку едно лице е фатено со над 5 грама наркотици, можно е да добие смртна казна.