Холандија: Казната изречена за „Епл“ се зголеми на 25 милиони евра

АМСТЕРДАМ

Агенцијата за потрошувачи и пазари (ACM) на Холандија, казната изречена за „Епл“ (Apple) ја зголеми на 25 милиони евра поради ограничувањата на начинот на плаќање наметнати за програмерите на апликациите за запознавање, пренесува Агенција Анадолија (АА).

Во соопштението на ACM се наведува дека условите за начинот на плаќање на „Епл“ создаваат неразумна и непотребна бариера за програмерите на апликациите за запознавање.

По одлуката за прекршување донесена во јануари 2022 година, „Епл“ создаде алтернативен начин на плаќање за апликациите за запознавање, но промената не ја вклучи на моменталните апликации на „Епл еп Стор“ (Apple App Store). Затоа казната е зголемена на 25 милиони евра.

Програмерите на апликациите морале да ги избришат моменталните апликации и повторно да влезат во „Еп стор“ за да се префрлат на новиот начин на плаќање.

Aгенцијата ја оцени промената како недоволна и изјави дека тоа го смета како „продолжение на блокирањето“.

– Казна од 5 милиони евра неделно

Во јануари беше изречена казна од 5 милиони евра затоа што на компаниите што прават апликации за запознавање не им беше дозволено да користат системи за плаќање кои не се на „Епл“.

Исто така, беше наведено дека казната ќе се зголемува за 5 милиони евра неделно доколку не се укинат ограничувањата за начинот на плаќање.

Во одлуката се нагласува дека покачувањето може да достигне најмногу до 50 милиони евра.

„Епл“ се соочува со казни и санкции во многу земји бидејќи не дозволува плаќања надвор од апликацијата и добива многу високи провизии.