Вимблдон: Вилијамс казнета со 10.000 долари

ИСТАНБУЛ

Американската тенисерка Серена Вилијамс, поради оштетување на теренот е казнета со 10.000 долари, јавува Anadolu Agency (AA).

Во тек е третиот тениски Гренд слем турнир Вимблдон, на кој 37-годишната Американка Вилијамс е во трка по својата 8. титула. Во текот на тренингот на помошните терени, Вилијамс со тенискиот рекет го оштети тревниот терен, поради што е парично казнета со 10.000 долари.

Во четвртото коло од турнирот, Вилијамс со 2:0 (6:2, 6:2 по сетови) ја совлада Шпанката Карла Суарез Наваро и се пласираше во четвртфиналето на Вимблдон.

Организаторите на турнирот со 3.000 долари го казнија Италијанецот Фабио Фоњини, поради користење на негативни искази во натпреварот од третото коло, кога беше елиминиран од Американецот Тенис Сандгрен со 3:0 (6:3, 7:6, 6:3).