Навивачка треска пред СП: Доминираат мароканските и перуанските навивачи во Москва

МОСКВА (АА) - Навивачката треска е сè повеќе присутна во Русија, каде што за четири дена се очекува почетокот на Светското првенство, јавува Anadolu Agency (AA).

Русија е домаќин на Мундијалот, кој ќе се одржи во 11 руски градови од 14 јуни до 15 јули, а во градовите домаќини улиците веќе се преплавени со навивачи кои доаѓаат од целиот свет, со цел да ги бодрат своите национални тимови.

Црвениот плоштад во Москва и другите туристички дестинации се места на масовни собири на обожаватели, а најголемо внимание привлекоа огнените навивачи од Мароко и Перу.

Организаторите на СП се погрижија да истакнат дека Русија е домаќин на најважните натпревари оваа година, а на фановите не им пречи да чекаат и по неколку часа за да направат фотографии за спомен.