„Ќе реализираме наш систем за воздушна одбрана 'Челична купола'“

ИСТАНБУЛ (АА) - „Туркије ќе спроведе сопствен проект за противвоздушна одбрана 'Челична купола' “, истакна вчера турскиот претседател Реџеп Таип Ердоган, известува Анадолу.

„Се надеваме дека ќе го реализираме нашиот проект „Челична купола“ со сите негови компоненти.

„Ако Израел има 'Железна купола', тогаш ние ќе имаме 'челична купола' “, рече Ердоган во своето обраќање за време на церемонијата на доделување дипломи на Академијата на воздухопловните сили.

Ердоган особено го истакна напредокот што Туркије го постигна во областа на производството на беспилотни летала. Тој ја повтори посветеноста на Анкара за понатамошно зајакнување на сопствените воени способности.

„Работиме на производство, развој или набавка на сè што бараат нашите воздушни сили, од проектили до системи за противвоздушна одбрана“, рече Ердоган.

Тој нагласи дека Туркије е особено посветена на производството во одбранбената индустрија.

„Настаните во нашиот регион нѐ потсетуваат на важноста на чекорите што ги презедовме на полето на одбранбената индустрија во последните 22 години“, истакна турскиот претседател Ердоган.