Во Анкара приведени шестмина осомничени припадници на терористичката ПКК

АНКАРА (АА) - Турските безбедносни сили приведоа шест лица во Анкара за поврзаност со терористичката организација ПКК, јавува Агенција Анадолија (АА).

Од Канцеларијата на јавниот обвинител во Анкара е соопштено дека се издадени налози за приведување на седум лица, што се товарат за вмешаност во активности во име на вооружената терористичка организација и ширење терористичка пропаганда на социјалните медиуми.

Антитерористичките тимови на полицијата досега приведоа шестмина осомничени, а во тек се напорите за фаќање на останатиот осомничен.

ПКК е сепаратистичка организација што се наоѓа на списокот терористички организации во Турција, Европската Унија и во САД. За време на тридецениската терористичка кампања против Турција, терористите на ПКК убија најмалку 40.000 луѓе.