Во притвор задржани пет лица поради напад на редакциите на турските весници во Истанбул

ИСТАНБУЛ (АА) - Од 11 лица приведени поради сомнение дека зеле учество во нападите на редакциите на турските весници "Yeni Safak" и "Yeni Akit", петмина од нив се задржани во притвор, јавува Anadolu Agency (AA).

Истанбулските екипи за борба против тероризмот на 1-ви март приведоа 11 лица поради основано сомнение за поврзаност со нападите на 11-ти февруари на редакциите на двата турски весници.

Група маскирани напаѓачи во утринските часови на 11-ти февруари изведоа симултани напади врз истанбулските редакции на турските весници "Yeni Safak" и "Yeni Akit". На тие објекти беа фрлени молотиви коктели и испукани повеќе куршуми. Во нападите немаше повредени.