Втор состанок на официјалните претставници на Турција и Грција

АНКАРА (АА) – Делегациите на министерствата за одбрана на Турција и Грција, вториот од состаноците за подобрување на соработката во Егејското Море ќе го одржат во Анкара од 17 до 21 јуни, пренесува Anadolu Agency (AA).

„Вториот состанок меѓу делегациите на министерствата за одбрана на Турција и Грција за мерките на градење доверба во Егејското Море и за развојот на соработката ќе се одржи во Анкара помеѓу 17-21 јуни 2019 година“, се вели во соопштението на Министерството за национална одбрана на Турција.

Турска делегација од Министерството за одбрана и во периодот од 20 до 25 мај престојуваше во Атина на техничкиот состанок со грчките официјални претставници за зајакнување на соработката, особено во мерките за градење доверба и кодексот за однесување во Егејското Море.