Грција враќа 60 мигранти во Турција во рамките на договорот ЕУ-Турција

АТИНА (АА) - Грција врати група од 60 илегални мигранти во Турција, објави вчера грчкото Министерство за јавен ред и заштита на граѓаните, јавува Anadolu Agency (AA).

Државјани на Авганистан, Алжир, Иран, Мароко, Палестина, Пакистан и Шри Ланка од грчкиот остров Лезбос во четвртокот беа испратени во крајбрежниот град Дикили, во северната турска покраина Измир, како дел од договорот за мигрантите на ЕУ и Турција, се вели од Министерството во соопштението.

Меѓу нив се наоѓале и пет турски граѓани кои илегално патувале во Грција, се вели во соопштението, додавајќи дека турските државјани биле вратени како дел од договорот за реадмисија меѓу двете земји.

Според договорот постигнат помеѓу ЕУ и Турција за спречување на големата миграција кон Европа, Турција ќе ги прими назад сите илегални мигранти кои ги минале на грчките острови од земјата.