Ердоган: Вложуваме напори под контрола да ги ставиме пожарите во Анталија, Мугла, Испарта, Ајдин и Денизли

ИСТАНБУЛ

Претседателот на Турција Реџеп Таип Ердоган по петочната молитва во џамијата Чилехане во Ускудар
зборуваше активностите што државата ги вложува за гаснењето на пожарите што во моментов се активни во земјата, известува Агенција Анадолија (АА).

Ердоган соопшти дека под контрола се ставени 196 од вкупно 208 шумски пожари во 44 града низ Турција.

Тој потсети дека шумските пожари сѐ уште се активни во петте турски области Анталија, Мугла, Испарта, Ајдин и Денизли и додаде дека во тек се активности за нивно ставање под контрола.

Претседателот на Турција во изјава за новинарите во Истанбул рече дека бројот на летала и возила ангажирани на гаснењето на шумските пожари е во постојан пораст.

„На гаснењето на шумските пожари во Турција моментално се активни 56 хеликоптери“, изјави Ердоган и потсети на петте украински летала кои поради можноста за работа во текот на ноќта, на гаснење на пожарите работат 24 часа дневно.

Ердоган нагласи дека во борбата против шумските пожари се мобилизирани сите расположливи капацитети.

Претседателот Ердоган потсети дека од Азербејџан во Турција пристигнале повеќе од 600 обучени пожарникари со опрема и механизација кои помагаат во гаснењето на пожарите.

„Нема да дозволиме нашата земја да биде опустошена“, порача Ердоган.

Ердоган најави дека во рамките на кампањата „Здив за иднина“, до крајот на годината во Турција ќе бидат засадени 252 милиони садници, по три за секој граѓанин.