Ердоган - Макрон: Односите меѓу Турција и Франција од големо значење и од аспект на глобалната улога

ИСТАНБУЛ (АА) - Претседателството за комуникации на Република Турција објави дека синоќа е одржан телефонски разговор меѓу претседателот на Турција, Реџеп Таип Ердоган и претседателот на Франција, Емануел Макрон. Во соопштението се наведува дека на средбата се разговарало за чекорите за подобрување на односите меѓу Турција и Франција и за регионалните прашања, особено за војната меѓу Русија и Украина, пренесува Агенција Анадолија (АА).

За време на разговорот, Ердоган на својот француски колега Макрон му го честиташе неговиот реизбор за претседател на Франција и му посака изборните резултати да бидат корисни за Франција.

Претседателот Ердоган истакна дека односите меѓу Турција и Франција се од големо значење и од аспект на глобалната улога што ја има заедничкиот континент Европа.

Истакнувајќи дека како Турција вложуваат максимални напори за да се стави крај на војната во Украина преку дипломатија, Ердоган рече дека е важно да се поддржи преговарачкиот процес.