Ердоган оствари средба со грчкиот премиер Мицотакис на маргините на НАТО-самитот

ВИЛНУС (АА) – Турскиот претседател Реџеп Таип Ердоган денес оствари средба со грчкиот премиер Киријакос Мицотакис на маргините на Самитот на НАТО во Вилнус, главниот град на Литванија, јавува Анадолу.

• Туркије и Грција се согласија да активираат повеќе канали за комуникација

Состанокот зад затворени врати се одржа во Литванскиот изложбен и конгресен центар (LITEXPO), каде што се одржува и дводневниот состанок на НАТО што започна вчера.

Претходно во текот на денот Ердоган се сретна и со шпанскиот премиер Педро Санчез и холандскиот премиер Марк Руте.

Триесет и еден лидер на воената Алијанса се состанаа за да разговараат, меѓу другите прашања, и за војната во Украина, членството на Шведска во НАТО и чекорите на Алијансата за зајакнување на одбраната и одвраќањето.

Туркије е членка на НАТО над 70 години и може да се пофали со втора по големина армија во Алијансата.