Земјотрес со јачина од 4 степени ја погоди источна Турција

АНКАРА (АА) - Земјотрес со јачина од 4 степени според Рихтеровата скала ја потресе денес источна Турција, јавува Агенција Анадолија (АА).

Потресот е регистриран во турската област Агри во 08:57 часот по локално време на длабочина од околу седум километри, соопшти Агенцијата за управување со катастрофи и вонредни состојби (АФАД).

Засега нема јавувања за загинати.

Турција е меѓу најсеизмички активните зони во светот.

Во октомври минатата година, во силен земјотрес кој ја погоди егејската област Измир, загинаа најмалку 116 лица, а беа повредени повеќе од 1.000 лица.